।। शुक्र कवचम् II 

अथ शुक्र कवचम् 

अस्य श्रीशुक्रकवचस्तोत्रमंत्रस्य भारद्वाज ऋषिः I 

अनुष्टुप् छन्दः I शुक्रो देवता I 

शुक्रप्रीत्यर्थं जपे विनियोगः II 

मृणालकुन्देन्दुषयोजसुप्रभं पीतांबरं प्रस्रुतमक्षमालिनम् I 

समस्तशास्त्रार्थनिधिं महांतं ध्यायेत्कविं वांछितमर्थसिद्धये II 

ॐ शिरो मे भार्गवः पातु भालं पातु ग्रहाधिपः I 

नेत्रे दैत्यगुरुः पातु श्रोत्रे मे चन्दनदयुतिः II 

पातु मे नासिकां काव्यो वदनं दैत्यवन्दितः I 

जिह्वा मे चोशनाः पातु कंठं श्रीकंठभक्तिमान् II 

भुजौ तेजोनिधिः पातु कुक्षिं पातु मनोव्रजः I 

नाभिं भृगुसुतः पातु मध्यं पातु महीप्रियः II

कटिं मे पातु विश्वात्मा ऊरु मे सुरपूजितः I 

जानू जाड्यहरः पातु जंघे ज्ञानवतां वरः II 

गुल्फ़ौ गुणनिधिः पातु पातु पादौ वरांबरः I 

सर्वाण्यङ्गानि मे पातु स्वर्णमालापरिष्कृतः II 

य इदं कवचं दिव्यं पठति श्रद्धयान्वितः I 

न तस्य जायते पीड़ा भार्गवस्य प्रसादतः II 

 II इति श्रीब्रह्मांडपुराणे शुक्रकवचं संपूर्णं II